ഇന്ത്യന്‍ സംഗീതത്തിന്റെ അംബാസിഡറായി അറിയപ്പെടുന്ന ഹിന്ദുസ്ഥാനി സംഗീതജ്‌ഞയാണ്‌ പത്മിനി റാവു. ഹിന്ദുസ്ഥാനി സംഗീതത്തെ ലോകമെങ്ങമുളള ആസ്വാദകരിലേക്ക്‌ എത്തിച്ച മഹത്തായ സംഗീതജ്ഞ. കഴിഞ്ഞ ദിവസം കൊച്ചിയിലെത്തിയ പത്മിനി റാവുവിന്റെ രണ്ട്‌ ദശകം പഴക്കമുള്ള തംബുരു എയര്‍ലൈന്‍സുകാരുടെ അശ്രദ്ധമൂലം പൊട്ടിത്തകര്‍ന്ന സംഭവം സംഗീത പ്രേമികളെ വിഷമിപ്പിക്കുന്നതാണ്‌.
ഇരുപത്‌ വര്‍ഷത്തിലധികമായി നിധി പോലെ സൂക്ഷിക്കുന്ന തംബുരു സ്വകാര്യ എയര്‍ലൈന്‍സുകാര്‍ അലക്ഷ്യമായി കൈകാര്യം ചെയ്‌തതിനെ തുടര്‍ന്നാണ്‌ തകര്‍ന്നത്‌.
കൊച്ചിയില്‍ സംഘടിപ്പിച്ച ഹിന്ദുസ്ഥാനി കച്ചേരിയില്‍ പങ്കെടുക്കാനെത്തിയതായിരുന്നു പത്മിനി റാവു.
മട്ടാഞ്ചേരിയില്‍ സംഗീതസംഘടനയായ മ്യൂസിക്കല്‍ മീറ്റും ശുദ്ധകല്യാണും ചേര്‍ന്നു സംഘടിപ്പിച്ച ഹിന്ദുസ്ഥാനി കച്ചേരിക്കെത്തിയ പത്മിനി പകരം ഇലക്‌ട്രോണിക്‌ തംബുരു വാടകയ്‌ക്കെടുത്താണു 45 മിനിട്ട്‌ നീണ്ട കച്ചേരി അവതരിപ്പിച്ചത്‌.
കേരളത്തില്‍ ആദ്യമായെത്തുന്ന ലോകപ്രശസ്‌ത സംഗീതജ്ഞ യുടെ വരവ്‌ ആഘോഷിക്കാനുള്ള ഒരുക്കമായിരുന്നു എങ്ങും. എന്നാല്‍ വിമാനമിറങ്ങിയപ്പോള്‍ പതിവായി കൂടെ കൊണ്ടു പോകാറുളള തംബുരു തകര്‍ന്നുപോയ കാര്യമാണ്‌ അവര്‍ അറിയുന്നത്‌. അമേരിക്കയിലും യൂറോപ്പിലുമൊക്കെ ആസ്വാദ കമനസുകളില്‍ ഹിന്ദുസ്‌ഥാനിസംഗീതം പെയ്യിച്ച പത്മിനി റാവു ആദ്യമായാണു കേരളത്തില്‍ സംഗീതപരിപാടിക്ക്‌ എത്തിയത്‌.
മുംബൈയില്‍നിന്നു കൊച്ചിയിലേക്കുള്ള യാത്രയില്‍ തംബുരു കൈവശം കൊണ്ടുവരുന്നതിനെ എയര്‍ലൈന്‍സ്‌ അധികൃതര്‍ എതിര്‍ത്തതാണ്‌. ഒരു സംഗീതോപകരണമാണെന്ന പരിഗണന നല്‍കിയാണ്‌ പിന്നീട് യാത്ര അനുവദിച്ചത്‌. എന്നാല്‍ എയര്‍ലൈന്‍സുകാര്‍ അത്തരം ഒരു പരിഗണനയും നല്‍കാതെ തംബുരു കാബിന്‍ ബാഗേജില്‍ മാറ്റിയിട്ടു.
ലോകമെങ്ങും സഞ്ചരിക്കുന്ന ഈ സംഗീതജ്‌ഞയ്‌ക്കു ജീവിതത്തി ലാദ്യമായാണ്‌ ഇത്തരമൊരു ദുരനുഭവം. സംഗീതോപകരണത്തെ മാരകാ യുധമെന്നപോലെ പരിഗണിച്ച സുരക്ഷാ ഉദ്യോഗസ്‌ഥര്‍ കാണിച്ച അഹംഭാവം ശിക്ഷിക്കപ്പെടേണ്ടതാണ്‌. നെടുമ്പാശേരി വിമാനത്താവളത്തില്‍ ഇറങ്ങിയപ്പോള്‍ ബാഗേജുകളുടെ കൂട്ടത്തില്‍ വലിച്ചെറിയപ്പെട്ട നിലയില്‍ ലഭിച്ച തംബുരു രണ്ടായി പൊട്ടിപ്പോയിരുന്നു.
പണ്ഡിറ്റ്‌ ഭീംസെന്‍ ജോഷിയുടെ ശിഷ്യയായ പത്മിനി കാനഡയിലാണു സ്‌ഥിരതാമസം. 15ാം വയസില്‍ മുംബൈയില്‍ സിത്താര്‍ പഠനത്തോടെ സംഗീതരംഗത്ത്‌ അരങ്ങേറിയ പത്മിനി ഹിന്ദുസ്ഥാനി സംഗീതത്തിലെ ഉന്നത പ്രതിഭകളിലൊരാളായി വളരുകയായിരുന്നു.
ആരോടും പരിഭവമില്ലാതെ മടങ്ങിയെങ്കിലും പത്മിനിക്ക്‌ സംഭവിച്ച ദുരന്തം നാളെ ഒരാള്‍ക്ക്‌ സംഭവിക്കരുതെന്ന്‌ നമ്മുടെ ഭരണകൂടം ശ്രദ്ധിച്ചില്ലെങ്കില്‍ നമ്മുടെ ആതിഥ്യമര്യാദകള്‍ എയര്‍ലൈന്‍സുകാരുടെ നിര്‍ബന്ധ ബുദ്ധിയിലും അഹങ്കാരത്തിലും തകര്‍ന്നുതരിപ്പണമാകും.
സി.ആര്. നീലകണ്ഠന്റെ പൊതുജീവിതത്തെ ബഹുമാനിക്കുന്ന ആളാണ് ഞാന്‍. അദ്ദേഹത്തിന്റെ പല ഇടപെടലുകളും പ്രസക്തമാണ് എന്നുതന്നെ ഞാന്‍ വിചാരിക്കുന്നു. ആ നിലപാടുകളുടെ എല്ലാ വിശദാംശങ്ങളോടും പൂര്‍ണമായി യോജിക്കുന്നു എന്ന് ഇപ്പറഞ്ഞതിന് അര്‍ഥമില്ല.
എങ്കില്‍പ്പിന്നെ, കുത്തകമുതലാളിമാരോ സാമ്രാജ്യത്വശക്തികളോ കൊടുക്കുന്ന ഫണ്ടു വാങ്ങി ഒരു പണിയും എടുക്കാന്‍ പാടില്ല എന്ന് നീലകണ്ഠനെപ്പോലുള്ളവര്‍ നിലപാടെടുക്കുന്നതിന്റെ യുക്തിയെന്താണ്? 'ദൈവികഭരണ' (ഹുകൂമത്തെ ഇലാഹി) സ്ഥാപനം സ്വന്തം ലക്ഷ്യമായി അംഗീകരിച്ച സംഘടനയാണ് ജമാഅത്തെ ഇസ്‌ലാമി. ഇസ്‌ലാമികരാഷ്ട്രം സ്ഥാപിക്കുന്നതിനുവേണ്ടിയാണ് അവര്‍ പണിയെടുക്കുന്നത്. അവരുടെ യുവജനവേദിയാണ് സോളിഡാരിറ്റി (2003). അവര്‍ക്ക് ഫണ്ട് കിട്ടുന്നുണ്ടെങ്കില്‍ അത് ഈയൊരു ഉദ്ദേശത്തിനുവേണ്ടി വല്ലവരും കൊടുക്കുന്നതാവും. മുഖ്യധാരയിലേക്ക് പ്രവേശനം കിട്ടുന്നതിനുവേണ്ടിയും മുസ്‌ലിം ചെറുപ്പക്കാരെ സ്വന്തം അണികളിലേക്ക് ആകര്‍ഷിക്കുന്നതിന് വേണ്ടിയും ആണ് പരിസ്ഥിതി- ദളിത്-ആദിവാസി സമരങ്ങളിലും മറ്റു പൗരാവകാശപ്രസ്ഥാനങ്ങളിലും സോളിഡാരിറ്റിക്കാര്‍ അണിചേരുന്നത്. സമൂഹത്തില്‍ വര്‍ഗീയവിഭജനം ഉണ്ടാക്കുക എന്നതാണ് അവരുടെ ആദ്യത്തെ പദ്ധതി. അത്തരം പ്രസ്ഥാനങ്ങള്‍ക്ക് പൊതുമണ്ഡലത്തില്‍ സ്ഥാനവും മാന്യതയും ഉണ്ടാക്കിക്കൊടുക്കുന്ന തരത്തില്‍ നീലകണ്ഠനെപ്പോലുള്ളവര്‍ പെരുമാറുന്നത് ആലോചനക്കുറവാണ്. 
സമരം ചെയ്യുന്നവര്‍ ഒപ്പമുള്ളവന്റെ സ്വഭാവവും ലക്ഷ്യവും ശ്രദ്ധിക്കാതിരുന്നാല്‍ വരുന്ന ആപത്തിന് നമ്മുടെ സമീപകാലചരിത്രത്തില്‍നിന്ന് തെളിവ് തരാം.
ജമാഅത്തെ ഇസ്‌ലാമിയുടെ സ്ഥാപകന്‍ അബുല്‍ അഅ്‌ലാ മൗദൂദി (1903-1979) ജനാധിപത്യം, മതേതരത്വം, ദേശീയത എന്നീ ആശയങ്ങളെ എതിര്‍ത്തിട്ടുണ്ടെങ്കിലും ഇന്നത്തെ ഇന്ത്യന്‍ ജമാഅത്തെ ഇസ്‌ലാമി അവയെല്ലാം അംഗീകരിക്കുന്നുണ്ട്. പിന്നെ എന്തിന് അവരെ അകറ്റിനിര്‍ത്തണം എന്നൊരു ചോദ്യമുണ്ട്.
സോളിഡാരിറ്റിക്കാര്‍ക്ക് കേരളത്തിലെ പ്രകൃതിയുടെയും ദളിതരുടെയും ആദിവാസികളുടെയും അവകാശങ്ങളില്‍ ഉണ്ടെന്ന് ഭാവിക്കുന്ന തരം താത്പര്യം മതപാരമ്പര്യവുമായി ബന്ധപ്പെട്ട കാര്യങ്ങളില്‍ ഉണ്ടോ? സംശയമാണ്. അവരുടെ പ്രഥമ പരിഗണനയിലുള്ള മുസ്‌ലിം സമൂഹത്തില്‍ സ്ത്രീകള്‍ പലതരം വിവേചനങ്ങള്‍ നേരിടുന്നുണ്ട്. ആ അന്യായങ്ങള്‍ക്കു നേരെ മൗനം പാലിക്കുന്ന കൂട്ടരാണിവര്‍. 
