d.sreedevi. ജസ്റ്റിസ് .ഡി .ശ്രീദേവി

ജസ്റ്റിസ് .ഡി .ശ്രീദേവി ഇപ്പോള്‍ ആരുടെ കൂടെ ആണ് ? ഭാരതീയ വിചാര കേന്ദ്രം പരിപാടിയില്‍ അധ്വാനിയോടൊപ്പം തോളോട് തോള്‍ ചേര്‍ന്ന് നില്‍ക്കുമ്പോള്‍ വെറുതെ തോനിയ ഒരു സന്ദേഹം , കുറച്ചു നാള്‍ മുന്‍പുവരെ മതേതരത്വം സംസാരിക്കുന്ന പൊതുവേദികളില്‍ വിശേഷിച്ചും ഇടതുപക്ഷ വേദികളില്‍ കണ്ടിരുന്ന ഒരു മാന്യ ദേഹത്തെ തൊട്ടു കൂടത്തവരെന്നും തീണ്ടികൂടാത്തവര്‍ എന്നും കൊച്ചു പ്രായത്തിലെ പറഞ്ഞു ശീലിച്ചു പോയ ഭാരതീയ ജനത പാര്‍ടിയുടെ വിചാര കേന്ദ്രം പരിപാടിയില്‍ ശിരസ്സുയര്‍ത്തി അങ്ങിനെ നില്‍ക്കുന്നത് കാണുമ്പോള്‍ വല്ലാത്ത ഒരു അസ്വസ്ഥത, ഇനി ശ്രീദേവിയുടെ സാന്നിധ്യം കൊണ്ടാണോ രഥയാത്ര ഭാരതത്തിനു സമ്മാനിച്ച" അധ്വാനിജി " പോലും പറഞ്ഞു കൂട്ടിയത് കംമുനിസ്ടുകാര്‍ കൂട്ടുകൂടാന്‍ പറ്റാത്തവര്‍ ഒന്നുമല്ല എന്നൊക്കെ ,,,,,,,, നല്ല നടപ്പിനു ശ്രീദേവിയെ ശിക്ഷിക്കണമോ അതോ മറ്റു പലരെയും ശിക്ഷിക്കണമോ? ഫാസിസം പല വഴിയിലൂടെയും കടന്നു വരും അത് ചിലപ്പോള്‍ ശ്രീധേവിയിലൂടെയും ആകാം അല്ലെ ????

ajmal khasab ഖസബിനെ തൂക്കിലേറ്റിയപ്പോള്‍

നമുക്ക് സന്ദീപ്‌ ഉണ്ണികൃഷ്ണന്റെയും, ഹേമന്ത് കര്‍ക്കരയുടെയും , ധീരതയെ വാനോളം പുകഴ്ത്താം,തീവ്രവാദി ആക്രമണം തടയുന്നിതിനിടയില്‍ രാജ്യത്തിന് വേണ്ടി ജീവന്‍ വെടിഞ്ഞ മുഴുവന്‍ ജവാന്മാര്‍ക്കും വേണ്ടി ഐക്യധാര്ട്യം പ്രക്യാപികാം ,... ശേഷം ഭാഗം ഖസബിനെ തൂക്കിലേറ്റിയപ്പോള്‍ ഖസബിനു വേണ്ടിയും നമുക്ക് ഉറക്കെ വാ തുറകാം, ആര്‍ക്കു വേണ്ടിയാണ് നിങ്ങള്‍ കുരക്കുന്നത്? ഇനിയും ഒരു പാട് പേരെ അതിര്‍ത്തി കടത്തി വിടാന്‍ തയ്യാറായി നില്‍ക്കുന്ന തീവ്രവാധികള്‍ക്കുള്ള ഒരു സന്ദേശം ആയി എങ്കിലും ഈ വധ ശിക്ഷയെ കാണണം എന്ന് അഭ്യര്‍ത്ഥിക്കുന്നു, രാജ്യത്തിനകത്തെ ആഭ്യന്തര കുഴപ്പങ്ങളെ കാണിച്ചു കൊണ്ട് അയല്‍ രാജ്യത്തിലെ ഭീകരവാധിക്ക് ഇവിടെ കിടന്നു കൂന്തു വിളയാടാന്‍ അവസരം കൊടുക്കണം എന്ന് പറയുന്നവരുടെ സ്ഥിര ബുദ്ധിക്കു ചികിത്സ നല്‍കേണ്ട സമയം ആയിരിക്കുന്നു,,,,,,,

Ardhanaari (അര്‍ദ്ധ നാരി...)

അര്‍ദ്ധ നാരി... ആരും പറയാന്‍ താല്‍പര്യപെടാത്ത അല്ലെങ്കില്‍ പൊതു സമൂഹത്തിന്‍റെ ചിന്തകളെ തെല്ലിട പോലും അസ്വസ്തമാക്കാത്ത ഒരു ജനതയുടെ കഥപറയുന്നു, നാളിതുവരെ എഴുതപെട്ട ഒരു ചരിത്രവും പരാമര്ശിക്കപെടാതെ പോകുന്ന ഒരു സമൂഹം ,അതെ ആണും പെണ്ണും കെട്ടവരുടെ കഥപരയുകയാണ് ഈ ചിത്രം , അപാരമായ സാങ്കേതീക മികവോ ,അതുമല്ലെങ്കില്‍ അനുപമമായ കാഴ്ചകളോ ഒന്നുമില്ലെങ്കിലും , സമൂഹം തീണ്ടാപാടകാലം നിര്‍ത്തുകയും , ഭരണകൂടങ്ങളുടെ കണക്കു പുസ്തകങ്ങളില്‍ യാതൊരു പരിഗണയും നേടാതെ പോകുകയും ചെയ്യുന്ന ഹിജടകളുടെ കഥ പറയുവാന്‍ തയ്യാറായ നിര്‍മാതാവും, സംവിധായകനും അഭിനന്ദനം അര്‍ഹിക്കുന്നു, മനോജിന്റെയും, തിലകന്റെയും എല്ലാം ഭാവ പകര്‍ച്ച അപാരം...അപരിചിതമായ ഒരു ലോകത്തിന്റെ രീതിശാസ്ട്രങ്ങളിലേക്ക് രണ്ടു മണികൂര്‍ നമ്മെ കൈപിടിചാനയിക്കുന്നു ഈ സിനിമ , വ്യത്യസ്തതകള്‍ കാംക്ഷിക്കുന്ന പ്രേക്ഷകര്‍ ഈ ചിത്രം കാണുമെന്നു കരുതുന്നു....

Swetha Menon

ശ്വേതയുടെ പ്രസവം കാണിച്ചാല്‍ ആര്‍ഷ ഭാരത സംസ്കാരം ഇടിഞ്ഞു പൊളിഞ്ഞു വീഴുമെന്നു , ശോഭാ സുരേന്ദ്രന്‍ പ്രസവം വില്‍പ്പന ചരകാക്കുന്നു അത് അങ്ങീകരികാന്‍ ആകില്ലെന്ന് കമ്മ്യൂണിസ്റ്റ്‌ നേതാവ്, ശ്രീമതി ടീച്ചര്‍, എന്‍റെ ഫെമിനിസ്റ്റ് കൂട്ടുകാരുടെ അഭിപ്രായം കൂടി കിട്ടിയാല്‍ ഏകദേശ രൂപം ആകും, "കളിമണ്ണ്" ചിലപ്പോള്‍ ചാണകം ആകും..

Ayyappan

അയ്യപ്പനും ആര്‍ത്തവ രക്തവും തമ്മില്‍ എന്ത്? ആര്‍ത്തവ രക്തവും, ആര്‍ത്തവ കാലവും ഇത്രമേല്‍ അസഹനീയമാകുന്നത് എന്ത് കൊണ്ടാണ്? ശബരിമലക്ക് മാലയിട്ടു പോയാല്‍ പിന്നെ പെണ്ണിന്‍റെ ജൈവ വ്യവസ്ഥയിലെ സുപ്രധാന ഗട്ടമായ ആര്‍ത്തവകാലം , മാലയിടല്‍ കഴിഞ്ഞ വീട്ടിലെ ഓരോ പെണ്ണിനും വലിയ നിരാശയും, കുറ്റ ബോധവും ആണ് പ്രധാനം ചെയ്യുന്നത്, ഒന്നെങ്കില്‍ മാലയിട്ട അയ്യപ്പന്‍ വീട്ടിനു പുറത്തു മാറി താമസം അല്ലെങ്കില്‍ പെണ്ണിന് വീടുമാറ്റം പരിഷ്കൃത സമൂഹത്തിനു അന്ഗീകരികാന്‍ ആകാത്ത പല ആചാരങ്ങളില്‍ ഒന്നുമാത്രം ആണ് ഇ ത്, അല്ലെങ്കില്‍ തന്നെ ശബരിമല ഒക്കെ ഏറെമാറി , കല്ലും മുള്ളും കാലിനു മെത്തയായിരുന്ന കാലം ഒക്കെ കഴിഞ്ഞു ശബരിമലയില്‍ ഇപ്പോള്‍ ഒരു വിനോദം പോലെ അതുമല്ലെങ്കില്‍ ഉള്ലാസയാട്രപോലെ എളുപ്പത്തില്‍ മലയിറങ്ങി അയ്യപ്പന്മാര്‍ വീടുകളില്‍ എത്തുന്നു, പക്ഷെ അപ്പോഴും പെണ്ണിന്‍റെ ആര്‍ത്തവ രക്തം ,അധമമായി തുടരുക തന്നെ ചെയ്യുന്നു, തലമുറകളുടെ നിലനില്‍പ്പുമായി ബന്ദപെട്ടു നില്‍ക്കുന്ന ആ ചോരയെ ഇത്രമേല്‍ നീചമാക്കെണ്ടാതുണ്ടോ ? ഇനി നമുക്ക് ആര്‍ത്തവ രക്തത്തില്‍ കുത്തി എഴുത്ത് തുടങ്ങാം സ്വാമിയെ ശരണം അയ്യപ്പ...

കടുവകളെ സംരക്ഷിക്കേണ്ടതുണ്ട്,

വനപാലകര്‍ക്കും , നിയമ പാലകര്‍ക്കും മനുഷ്യ സംരക്ഷണം പോലെ തന്നെ പ്രധാനമാണ് മൃഗ സംരക്ഷണവും, കടുത്ത വംശനാശ ഭീഷണി നേരിടുന്ന കടുവകളെ സംരക്ഷിക്കേണ്ടതുണ്ട്, അവന്‍ കാടിറങ്ങുന്നത്‌ നാട്ടിലെ ചില കാടന്മാരുടെ കാട്ടാളത്തം കൊണ്ടുമാണ്,, നമുക്ക് അവരുടെ അവകാശത്തെയും സംരക്ഷിക്കാന്‍ ബാധ്യത ഉണ്ട് ,,,,, പ്രകൃതി പാഠങ്ങള്‍ മറക്കുന്ന മനുഷ്യന്‍റെ അനീതി ബോധത്തിന് മുകളിലേക്കാണ് ഓരോ കാട്ടു ജീവിയും തന്‍റെ പാദങ്ങള്‍ പതിപ്പിക്കുന്നത് , മനുഷ്യ ജീവന് വിലയില്ലേ എന്ന് പരിതപിക്കുന്നവര്‍ക്ക് തീര്‍ച്ചയായും മറ്റൊരു ജീവനെ ഒടുക്കുവാന്‍ അര്‍ഹത ഒട്ടും ഇല്ല എന്ന് കൂടി പറയേണ്ടി വരും.. ....

കാടിന്‍റെ അവകാശികള്‍ ആരാണ്?

കാടിന്‍റെ അവകാശികള്‍ ആരാണ്? വയനാട്ടില്‍ വെടിയേറ്റു വീണ കടുവയുടെ ചോരക്കും ചില ചോദ്യങ്ങള്‍ ചോദിക്കുവാന്‍ ഉണ്ട്, കാടെത് നാടേത്‌ എന്നറിയാതെ കൊള്ളയടിച്ചു പോകുന്ന ആധുനികര്‍ എന്ന് സ്വയം അഭിമാനിക്കുന്ന മാനവ കുലത്തിനോട്, കടുവയും,ആനയും, കുരങ്ങനും, സിംഹവും, കരടിയും അടക്കമുള്ള നാനാജാതി ജീവി വര്‍ഗ്ഗവും കൂടാതെ വന വാസികളും ചോദ്യങ്ങള്‍ ചോദിക്കുകയാണ് , കേരളത്തില്‍ മാത്രം ഈ ആധുനീകര്‍ കയ്യേറിയത് നാല്പതിനാലായിരത്തി നാനൂറ്റി ഇരുപതു ഹെക്ട്ടെര്‍ വനഭൂമി ആണ് ഈ വനഭൂമിയിലെ ജന്തു ജാലങ്ങള്‍ക്കും, സസ്യജാലങ്ങളുടെയും ആവാസ വ്യവസ്ഥ തകര്‍ത്തെറിഞ്ഞ മനുഷ്യ കുലത്തിനു എന്ത് അവകാശമാണ് ആണ് കാടിറങ്ങി വന്ന കടുവക്ക് നേരെ വെടി ഉതിര്‍കാന്‍ ഉള്ളത്?

പൊറാട്ട് നാടകങ്ങള്‍

പൊറാട്ട് നാടകങ്ങള്‍ "ജനാധിപതജനാധിപത്യ ശ്രീകോവിലില്‍" അരങ്ങു തകര്‍ക്കുന്നു,,, രണ്ടു മുന്നണിക്കും ബദല്‍ എന്ന് ഇടതു പക്ഷം ഇടയ്ക്കിടയ്ക്ക് സ്വപ്നം പങ്കു വയ്ക്കുന്ന മൂന്നാമത്തെ മുന്നണിയിലെ തമ്പുരാനും, തമ്പുരാട്ടിയും തന്‍ കാര്യ സിദ്ധികായി , ഭരണകക്ഷിയുടെ അടി വസ്ത്രം വരെ നീലം തേച്ചു വെളുപ്പിച്ചു നില്‍ക്കുന്നത് കാണുമ്പോള്‍ , മധുര മനോഹര സ്വപ്നം വാഗ്ദാനം ചെയ്ത ഇടതുപക്ഷത്തിനു തന്നെ അല്ലെ അത് കടുത്ത അപചയം സമ്മാനിക്കുന്നത്????

രോധനത്തിന്റെ വ്രണപ്പാടുകള്‍

ഭാരതത്തിന്‍റെ മനസ്സിനെയും, ശരീരത്തിനെയും നെടുകെ പിളര്‍ത്തിയ സംഗ പരിവാറിന്‍റെ ആനന്ദ ജന്മദിനത്തിന് ഇരുപതു വയസ്സ് , മുറിവേറ്റ മനസ്സുകള്‍ ഇപ്പോള്‍ പഴയ പോലെ നിസ്സഹായ മുഖത്തോടെ അല്ല ലോകത്തെ നോക്കുന്നത് , എവിടെ ഒക്കയോ അവര്‍ കത്തി രാകി മിനുക്കുന്നുണ്ട്‌ , വലുതും ചെറുതുമായ സ്പോടങ്ങളിലൂടെ അവര്‍ ഹൈന്ദവതയെ പതിയെ എങ്കിലും വെല്ലു വിളിക്കുന്നു, ഭരണകൂടം പൂജാമുറിയില്‍ വാതില്‍ അടച്ചു മൌന പൂജ നടത്തിയപ്പോള്‍ കേവലം ഒരു മസ്ജിദ് മാത്രമായിരുന്നില്ല തകര്‍ക്കപെട്ടത്‌ , ഒരു ചരിത്ര സ്മാരകത്തെ കൂടി ആയിര ുന്നു , വിഭജിതമായ മനസ്സില്‍ രോധനത്തിന്റെ വ്രണപ്പാടുകള്‍ മായുന്നില്ല, ആ ഒരു സംഭവത്തോട് കൂടി "വ്രണിത ഹൃദയരായ" ഭാരതത്തിലെ ന്യൂനപക്ഷ യുവത്വം ഇന്ത്യന്‍ ഭരണ കൂടത്തോടും, ഇന്ത്യന്‍ ഭരണഗടനയോടും ഉള്ള കൂറ് പതിയെ മറക്കാന്‍ തുടങ്ങിയിരിക്കുന്നു എന്നുള്ളത് ഒരു സത്യം തന്നെ അല്ലെ? ആരാണ് കുറ്റവാളികള്‍ ? അത് സംഘ പരിവാരിനും, കൊണ്ഗ്രസ്സിനും ഒരു പോ

ലെ വീതം വക്കാവുന്ന ഒരു സംഗതിയാണ്,